A profesora e escritora, Lourdes Maceiras García (Barcelona,1955), publicaba en 2008 o poema A Coruña, dedicado á cidade herculina, que para ela é “nostalxia” e “lembranza”.
A CORUÑA
É nostalxia, é lembranza.
É auga que quero e vida.
É ver o tempo que pasa.
É o aire que respiras.
É nostalxia, é lembranza.
A lúa branca que brilla,
longa noite de esperanza,
camiño que non camiñas.
É nostalxia, é lembranza.
Eses ollos con que miras,
torre alta na montaña,
zoa o vento e ti suspiras.
É nostalxia, é lembranza.
Son o porto e máis a praia.
É o castelo coa muralla.
Son as tumbas da atalaia.
É nostalxia, é lembranza.
É a luz que lambe o cristal.
Son magnolios, flor e rama.
Son as brancas margaridas.
É nostalxia, é lembranza.
As estrelas que escintilan.
Os barcos na mar que braman.
É unha estela sobre a ría.
